Varðveitan av skattskyldu

Innihald > Lesandi > Varðveitan av skattskyldu

INNIHALD

Flyting til Danmarkar
Flyting til Føroya
Børn
Lesandi
Sjúka & sjúklingar
Ymiskt

Háskúlar/eftirskúlar
S.U.
S.U. og børn
Ferðaískoyti
Varðveitan av skattskyldu
Føroyafrádráttur

Ráðgevingin
fyri føroyingar í Danmark
Vesterbrogade 17A
1620 København V
Tlf. 33 23 99 80
Fax 33 23 92 34
Teldupostur:
radgevingin@radgevingin.dk

Ráðgevingin hevur opið mánadag, týsdag og hósdag kl. 11:30-15:30, mikudag 14:00-18:00, fríggjadag stongt

Varðveitan av skattskyldu í Føroyum

Lesandi og lærlingar, ið lesa uttanlanda kunnu søkja um at varðveita fulla skattskyldu í Føroyum.

Treytir:

tú skalt áðrenn lestur ella læru uttanlanda hava havt fastan bústað í Føroyum í minst 4 ár

tú skalt verða uttanlanda í lestrar- ella útbúgvingarørindum

tú skalt lata Toll-og Skattstovu Føroya upplýsingar um útbúgvingina, útbúgvingarstað og ásettu lestrartíð

tú skalt altíð kunna vátta, at tú framhaldandi ert undir útbúgving

tú skalt upplýsa Toll- og Skattstovu Føroya um broytingar í útbúgvingini, t.d. um tú gevst ella skiftir útbúgving

Reglurnar eru at finna í Kunngerð nr. 109 frá 5. juli 2001 frá Fíggjarmálastýrinum um lesandi og lærlingar uttanlands.

Umsóknarbløð kunnu fáast við at venda sær til TAKS .
www.taks.fo

Fyrimunurin av at varðveita fullu skattskylduna í Føroyum er, at tú skalt gjalda minni í skatti, um tú arbeiðir í Føroyum t.d. í summarfrítíðini. Tú fært ein botnfrádrátt uppá 30.000 kr. pr. 01.01.2011, tað vil siga, at fyrstu 30.000 kr. tú forvinnur, eru skattafríar.

Um tú ikki varðveitir fulla skattskyldu og arbeiðir í Føroyum, verður tú avmarkað skattskyldug/-ur og skal gjalda 42 prosent í skatti av bruttoinntøkuni, 1,75 prosent í arbeiðsmarknaðargjaldi (AM) og 0,65 prosent til Barsilsskipanina (BAS).

Sjálvt um tú varðveitir fulla skattskyldu í Føroyum, ert tú eisini fult skattaskyldug/ur í Danmark.

Inntøka úr Føroyum skal uppgevast til skattamyndugleikarnar í Danmark, samstundis sum sjálvuppgávan verður latin inn. Forvunna upphæddin, goldin skattur í Føroyum og evt. frádráttir skulu upplýsast á einum eyka oyðublaði "Selvangivelse for udenlandsk indkomst".

Oyđublađiđ finnur tú á heimasíđuni www.skat.dk

Um tú býrt í Danmark og hevur varðveitt fulla skattskyldu í Føroyum, skalt tú á føroysku sjálvuppgávuni bert upplýsa um inntøkur í Føroyum.

Prentvinarlig síða