Skattur

Tá tú flytir til Danmarkar, er høvuðsreglan, at tú kemur undir fulla skattskyldu í Danmark frá tí degi, tú ert skrásett/ur sum flutt/ur á fólkayvirlitinum.

Tú skalt venda tær til SKAT´s Skattecenter, og blíva fyribils skattaskrásett/ur (forskudsregistreret). Tú fært síðani eitt "Forskudsopgørelse" við einum skattakorti. Á hesum sæst hvussu stóran frádrátt tú hevur, og hvussu nógv prosent, ið skulu gjaldast í skatti.

Skattakortið verður sent elektroniskt til arbeiðsgevaran ella til tann stovn/myndugleika, tú fært veiting frá.

Í Danmark fært tú ein persónsfrádrátt uppá 42.900 kr. (2011) árliga, men tú fært ongan barnafrádrátt, um tú hevur børn. Ein barnafamiljuveiting (børne- og ungeydelse) kemur í staðin.

Umframt persónsfrádráttin hevur tú rætt til "ligningsmæssige fradrag" - til dømis frádrátt fyri rentur av lánum bæði í Føroyum og Danmark, útreiðslur til limaskap í fakfelagi og arbeiðsloysiskassa og Føroyafrádrátt, um tú lúkar treytirnar.

Í Danmark skalt tú gjalda eitt slag av bruttoskatti av arbeiðsinntøkuni, áðrenn skatturin verður roknaður - 8 % í "arbejdsmarkedsbidrag" .

Nærri upplýsingar um skatting eru at finna heimasíðuni hjá Told og Skat: